24 d febreiro, día de Rosalía de Castro

O martes, 24 de febreiro, os alumnos e alumnas de 5ºA estivemos coñecendo un pouco máis á autora Rosalía de Castro; fixemos actividades LIM coa biografía e obra da escritora, escoitamos adaptacións musicais dos seus poemas, lemos e coloreamos unha banda deseñada sobre a súa relación coa nosa lingua... aquí tedes algunhas fotos...

Deporte Escolar 6º

Hoxe celebramos outra xornada de deporte escolar. Esta vez os protagonistas foron os compañeiros e compañeiras de 6º e os "contrincantes" os alumnos e alumnas de Noalla...Unhas instantáneas dunha mañá ben deportiva...

Entroido 2015

Aquí tedes as fotos do noso entroido...desde as consignas ata o venres, día da festa rachada, na que ademais degustamos os saborosísimos postres típicos que trouxemos ao cole para compartir cos nosos compañeiros e compañeiras...

DÍA DA NON VIOLENCIA NA ESCOLA E A PAZ

O pasado venres,como xa sabedes, celebrouse o Día da Non Violencia na Escola e a Paz...e os alumnos e alumnas de 5º e 6º participaron na conmemoración coa elaboración duns murais onde se traballaron distintos aspectos e persoas relacionadas con este tema...desde un poema de García Teijeiro,pasando por cambios de titulares de noticias dos xornais, distintas persoas ás que se lle concedeu o Nobel da Paz e, como non, Malala, a muller máis nova á que se lle concedeu este premio(no ano 2014) pola defensa que fai, aínda poñendo en perigo a súa vida, do dereito á educación da muller en todo o mundo...aquí tedes algunhas fotos de como traballaron e o desexo de Paz que, todos os compañeiros e compañeiras,destes niveis, vos queren adicar.